“اعتراف لحد غايب”

بعد التحيه والسلام لشخص غايب
عن عينيا اعتراف لحد غايب
حد كان زمان ولسه اغلي الحبايب
شخص من فتره بسيطه كنت ف حبه دايب
هو الله اعلم حبني وجايز كان دايب
اعتراف للي هيفضل حلم
افتكره طول حياتي لما انام
يتعاد شريط حياتي
كل ضحكه وكل همسه كانت معاكي
بتاخدني من ايدي للقمر واشوفك هناك
كنت ببكي للقمر يقرب شويه
اترجي في يسمعني صوتك
ابوس ايدي شوقي يوصلك
الاقي نفسي ع السرير وقلبي قايد
دموعي تنزل راسمه صورتك
راسمه حلمي حمب حلمك
ــــــــــــــــــــــــــــــــ
(2)الاعتـــــراف الثاني:

اعتراف لشخص غايب
حب كان بينك وبيني
مش مصدق انك سبتيني
اصل البدايه كانت جنه
والجنه عمرها ما تبقي نار
قلبتي ليه الحب نار
وليلي مش طالعله نهار
اعتـــــراف
يوم ما سبتيني كنت خايف
طريقي قدامي لكني مش شايف
بس عارفه قولت لقلبي يلا ننسي
قالي انسي يا عبيط عمري ما انسي
اللي كانت ليا مرسي
ومناره وقت كرثه
عمري ما انسي اللي نورت طريقي
اللي ف وقت حزني ما سابت ايدي
بس ي قلبي هي مشيت هي نسيت
عندها داس طريقي
يوم ما شافتني بغرق سابت ايدي
شوهت جوايا صورتي بعد ما رسمتها
ــــــــــــــــــــــ
(3)الاعتـــــــراف الثالث

اعتراف لشخص غايب ديوان في هجرحك
زي ما جرحتي قلبي شرخ ف جدران القلب يحكي ظلمك
هكتب
بكتب اول قصيده
بقول كداب مع كل كلمه
انا كداب وكلامي مش حقيقه
حبيبتي جرحها هو جرحي
عمري ما اجرحك بس الغضب عظب عني
كل كلمه كانت بتطلع من ورا قلبي
بتقول ي حبيبتي دا عتاب
لسه ضلك محاوطني
لسه حبك واخدني
كل القصائد كانت الم
كانت بتوصف قد ايه عايش ف الم
قد ايه بحبك
اعكسي كل الكلام هتلاقي بحبك
بحبك رغم الالم بحبك
ـــــــــــــــــــــــــ
(4) الاعتـــــــــراف الرابع

نفسي ف يوم بس ترجع
وتشيل كل الجروح
قبل ما عمري يروح
نفسي ف يوم بس ترجع
وتكون قدام عيوني
وتكوني ليا كون جوا كوني
بس هي مش هتسمع
كل الطرق متقفله
وهي مش ناويه ترجع
نفسي تسمع صوت انيني
واني عايش مكسوره عيني
وانها تعمل حساب
لحب غالي يمكن يشفع
نفسي تفتكر كلامي
وغرامي والقصائد الجمال
نفسي تعرف لما قولت انها ملكه
كان حقيقه مش خيال
امنيه حياتي لما اموت
يوصلها الخبر فالحال
لتقول ما وفاش بوعوده
وانه كان كلام عيال
10|7|2016